我終於都完成左荷蘭既PREWEDDING LA LA LA
係今年12月結婚既BRIDE, 上年confirm prewedding 到現在, 眼見好多同是年尾結婚既BRIDE 都影曬prewedding, 真係令人好羨慕又期待自己果個prewedding。 我好喜歡花海, 第一時間諗到既, 係北海道既花海。本已諗好7月到北海道影花, 但就俾我咁啱係FACEBOOK睇到有間影相既公司做緊歐洲既 promotion。然後我膽粗粗去INBOX 問下, 包D 咩, 唔包D 咩。結果, 除左婚紗禮服, 餐膳 同門票(如需要), 其他都係全包!!!! 仲有埋VIDEO添。我一方面問佢, 點解可以做到咁平, 另一方面, 上網SEARCH 下有無咩COMMENTS。原來, 佢係香港既都影左唔少PREWEDDING既相, 但OVERSEA 就比較少, 所以, 想儲下PROFOLIO。再睇番網上既COMMENTS, 回響都好大, 個個都讚呢個攝影師認真, 賣力, 有信用。最後, 問準左男友, 就決定左BOOK 呢一間去荷蘭影花海。 我係上年6-7月BOOK 架, 距離影PREWEDDING 都有差唔多一年, 呢一年我又緊張又期待, 成日都上佢FB 睇下有咩UPDATES。嘩, 越睇越開心, 因我覺得佢比我CONFIRM 既時候, 又進步左好多。佢上一年, 仲攞埋 WOW 既新人至愛新婚紗攝影大獎。所以, 其實VENDORS 都係一個潛力投資呢… 由於我係EASTER 去影, 因擔心機票酒店好貴, 攝影師係上年6-7月, 就已經同我夾定, 係邊到出發影, 邊到係LAST STOP, 俾我好好PLAN 好行程同BOOK 酒店, 佢見到平機票, 仲主動WHATSAPP我, 3千幾連TAX就去到。雖然, 最後我都係REEDEM MILE 去, 但都好開心攝影師咁有交帶同主動聯絡。 拍攝當日, 攝影師同化妝師都好準時到。早上8:30 開始, 化到11:00 左右, 我地踏出去羊角村既民宿, 佢就話, 可以開始架啦, 一路影, 一路行。其間, 男友要番去架車到放低D 野, 我係到等既時候, 佢就話, 影下女仔既單人先呀, 唔好浪費時間。到左中午食LUNCH, 佢地只要求食mcdonald (但以我所知, 佢地連埋之前影相既日子, 佢已經食左3, 4 日Mcdonald), 但亦無怨言, 仲要唔係坐住食, 係揸住車, 一邊咬, 一邊開車, 爭取時間去下一個景點。 雖然, 我地係同期入面第三PAIR 去荷蘭影相, 景點都係大致一樣, 但為左唔好影到個個一式一樣, 攝影師又諗到叫我地坐上我地架車到影, 效果真係好滿意呀!!!! 影相翌日就收到6張PREVIEW, 張張都好靚。 當日影相好凍, 我6-9度, 而且當日係相當大風, 真係吹到人都郁果隻。好多謝MAKE UP 既JOEY, 時時刻刻係唔洗影相既時候, 追住我, 俾衫我著。現時呢間公司既OVERSEA 雖然無我BOOK 果陣咁抵, 但我覺得, 價錢依然係同行入面中非常吸引的。最後好想同攝影師講, 你既努力, 係有目共睹的, 繼續加油呀!!!!! ^^”
