香港Pre-wedding 幸有慧眼無猶豫，未被求婚都要BOOK+外影TIPS

我無猶豫，閃電式2016年1月24日BOOK左11月影(因為當時1月問11月週末得番一日有位﹗) 因為你可以有一年時間定邉個月影(唔同月份影個景又唔同，又可以夾到假期) 而且好多PHOTOG 都一年內加價所以未被求婚都要訂就係PRE-WEDDING、BIG DAY PHOTOG 同埋MUA (雖然我係被求婚後先BOOK，但攪左成年﹐發現點都要呢三樣BOOK 先)

(香港天空之鏡)

(廸欣湖影得好靚，有朋友以為我去左日本影，我見過人地日本影櫻花，我覺得如果PHOTOG影得靚的話，香港影仲靚)

攝影師第一次去呢度影都即刻諗到我地諗唔到既方法影﹗啲色好靚﹗

係等影呢年都有問PHOTOG 影邊度之類呢位PHOTOG 仲係呢年入面拎左獎，即時俾左我地好大信心但就開始多人搵佢，開始加價，我覺得自己好叻，因為自己好早搵左佢因為我最想影廸欣湖個美人樹(之前的BLOG-->十一月香港pre wedding必影景點) 所以結果當日行程地點唔多，但係辛苦攝影師車來車去

行程

早上 – 荃灣化妝攝影師到著，車我地去灣仔一間學校影中午換衫加車上食LUNCH 下午由中環車去廸欣湖影完廸欣湖再車返去西環碼頭影日落影完日落過中環海濱影夜景呢度隧道費油錢都唔少錢錢(佢都無同我計﹗真係有啲唔好意思)，11月香港無可能唔影廸欣湖嘛同埋攝影師最叻影西環同埋倒影

我鍾意佢啲相柔和得黎啲色係SHARP (同埋佢啲景真係好特別，山頂有度地方佢影到好童話，睇完佢啲相，即刻好多地方都好想去影﹗)

有啲PHOTOG 會調到過光、過白，有啲PHOTOG 會調到偏灰(唔同人鍾意既STYLE都唔同刻，RESPECT) 呢位攝影師都有要求架，我地都感覺到佢超鍾意影相因為係車度佢唔講野(車度講既可能唔超過五句)，但一影相就講好多係廸欣湖個陣我有兩個大氣球，佢會出聲話唔襯裸樹，結果我地行遠少少先用本身諗住好RUSH 去埋山頂，我準備左把LACE傘，但可惜最後去唔到問佢夜景用得唔得，佢唔俾我用，哈哈﹗有原則，係好事﹗因為佢始終係專業﹗

(呢張唔好以為好簡單，影得好辛苦架﹗影完我之後個幾張都笑唔出......因為整親個PAT...哈哈﹗)

影完佢即日都SEND 四張PREVIEW 俾我地睇(成12點SEND 黎，我訓左)，幾日後又SEND 多四張一個月後就俾左所有相我揀，我揀完一個月後又執好，好快手同埋有信用﹗ 話幾時就幾時，唔會因為忙就拖 (雖然佢最近真係好似好多JOBS) 有信用好緊要，因為攪結婚唔係話我等得就得啲相除左做相簿仲要用黎SEND 俾人做SAVE THE DATE、印咭仔、印帖、做FOAMBOARD、簽名布等等(雖然我唔使用啲相黎攪咁多野)