令我超滿意的PW照片，到手喇！ （多圖多字）

前幾日終於收晒pre-wedding retouched photos la!!見到d相，真是覺得好靚好靚好靚呀！呀！ 感恩9月中天公作美下能有好天氣影pre-wedding，記得影PW 前一天還黃雨，擔心要取消另約日子，幸好拍攝當天一切順利，天空放晴。原本計劃要去的所有景點我地都去齊，仲影到靚相Tim。 當天我地總共去了5個景點，其實一點都唔少，多謝攝影師Keith 唔嫌麻煩車我地去晒所有景點。第1個地點是西貢三育書院。這個地方是必須預先打電話預約租借，但付$800就可以2hrs 任影教堂，草地及行政大樓，真心十分抵呀！（平日Mon-Fri 只收$600咋）🏻🏻🏻 而且還我一個小小心願可以在教堂穿上婚紗拍照，真是好開心！

第2個地點是水浪窩，由三育去水浪窩大約20分鐘就到了。這裡也是超有特色的拍照好地方。不過惟一要注意是做好防蚊措施，我在水浪窩停下來比MUA 補妝時，背及手腳已經被咬了5-6撻蚊爛了

拿起同事自製的鮮花球，再配上Ivy 手作的乾花花環，真是好夾好靚呀！我好喜歡這一張獨照！

水浪窩真是一個十分有特色的地方！

影完水浪窩就快快買了麥記在車上解決我地既lunch。 第3個地點是中環都爹利街Starbucks。這裡也是懷著一試既心入去影，一來當天是星期日會多人，二來化到咁恆又set晒頭，怕打擾到其他客人被店員趕。好彩好彩，當天都唔算多人，等左一陣我地就有位坐影相喇。而且順便係洗手間換埋衫。

第4個地點是西環碼頭。都是因為睇過Keith 之前既倒影作品所以想去影。出來效果好靚呀！

到最尾一個地點中環摩天輪。其實我地已經開始影到疲態盡現。其實影到7點幾我地已經累了，Keith 問我地仲想去邊度影我地都撒手擰頭。

衷心感謝Keith 既幫忙，大熱天時要趴低係個熱辣辣既地下咁影, 我影完相個日零辰仲收到他6 張retouch photo 呢！亦要多謝MUA Ivy,自問我同男友都不是什麼型男美女，多謝Ivy 幫我呢隻醜小鴨化到靚一靚，讓我可以靚靚咁影我人生唯一一輯的PW。

Link : http://wow.esdlife.com/space.php?uid=100934&do=blog&id=328706