PW 篇 - 低能兩公婆遇上瞓身PHOTOG

我地11月會去蘇梅玩, 本身諗住順便影埋...但諗諗吓, 如果11月果輯唔滿意, 咁再影就會好趕(工作關係, 多節日嘅日子我地會更加忙), 所以, 係網友介紹下揾再KEITH... 好快就約咗5月尾影

中間有兩個月去準備, 咁我就開始揾衫, 揾景... 因為真係無乜頭緒, 所以都係求其揾啲地方影... 每次有SAMPLE PHOTO都係SEND俾KEITH, 佢好快就會覆同俾意見, 最開心係, 佢好尊重我地想影啲咩, 但最後由於我同隻佬實在唔想用腦, 佢好好咁諗晒成日個流程

到影果日, 熱到媽媽聲, 我一早就去咗JAMIE到化妝 (如果想知呢位超好MUA, 講睇「化妝篇 - 超好PW MUA做埋我BD MUA」

到10點出發, 首先係去昂船洲大橋, 呢度唔係好多人去, 感覺幾正

(未執相)

因為一開始影, 我地未WARM UP到, KEITH都好好咁建議我地擺咩POSE, 個地方本身有啲垃圾, 佢同我隻佬都一手一腳整走晒, 呢個景我都無乜點見過人影, 所以我都好SURPRISE佢竟然揾到個咁正嘅地方

之後就去山頂, 我諗地方就唔使點介紹, 一開始我有少少抗拒影呢類型嘅景, 但當睇到相, 我好感謝KEITH令我對呢啲相改觀

係山頂熱到我地4個人都溶咗, 但KEITH都話要影到唔同嘅感覺先走, 最開心係竟然有繡球花

當去下個地方時, 已經係4點幾, 大家都未食嘢, 我好肚餓, 叫咗隻佬去買嘢食, 果陣先發現KEITH同JAMIE係可以唔食嘢

係上環影咗少少便服

之後就去最期待嘅西環, 果度大風到癲咗, 但啲相係靚到DUMP一聲, 阿KEITH仲為咗要影到個效果等咗好耐, 我地兩個本身都有少少想放棄, 皇天不負有心人, 真係等到, 而KEITH影完當晚第一張俾我睇嘅相就係係西環影, 靚到身邊所有人都大讚

之後到夜景, 其實本身個PACKAGE話係8小時攝影, 我地係西環走時其實已經夠鐘, 但KEITH都話同我地影埋先(我地好想影夜景), 揸車去尖咀時勁塞車, 我同隻佬都瞓晒

去到尖咀, 突然落雨, 但KEITH都有揾到位置影, 雖然大家都好攰, 不過一啲都無HEA, 我同男友都影得好開心, 最後到9點半先散, 足足影咗11個鐘

我唔知大家點睇PW, 但除咗啲相要靚, 我覺得影當日都要開心... 雖然果日真係熱到死咗, 但KEITH同JAMIE實在令我同隻佬好開心同舒服咁影咗第一輯PW... 收到相果刻勁興奮, 而我地都BOOK咗KEITH係冬天再幫我地影多輯, 而兩輯加埋, 都平過我係婚展是旦一間... 我而家勁期待冬天快啲到呀