成為企鵝太太前之一輯比價性奇高! 睇完令人心跳加速既香港Pre wedding!

話說係影韓國pre wedding之前我已經同企鵝先生講想影多輯香港pre wedding 因為我地係中學相識中學同大學我地都係同一間學校校園實在有太多我地既回憶所以真係好想影番一輯校園既pre wedding 要多謝企鵝先生真係好錫我盡力滿足我呢個任性既要求企鵝先生仲兼任埋quote價既角色真係唔話得！睇完一堆PW相之後得出最後三強約左三位攝影師出黎見面後終於揀左呢位wow人氣PW攝影師影完之後亦都証明我地眼光無錯！果然影得開心又放心！當日我地既行程係： 0800 到達化妝師既工作室化妝裝身 1030 攝影師揸車黎車我地出發去影相（無錯。係攝影師做埋司機真係唔話得） 1100 到達中學開始拍攝 1330 影完中學，係中學順手補妝轉頭 1400 出發去石澳（lunch係係車到食。真係辛苦晒佢地） 1445 開始影石澳外景 1600 離開石澳向poly進發 1700 塞車塞左一輪終於到poly... 攰到係車到訓左一陣 1815 影完poly化妝師幫我轉頭轉妝 1900 出發去中環影夜景 1930 到達中環影電車路立法會 2030 完成！首先要讀化妝師Jamie真係好細心！自從我join左呢輯PW之後 Jamie就一路同我保持聯絡又叫我send鐘意既頭款比佢睇之前一日又提我準備帶既野又跟足我地8個鐘有多影個日同我地一齊曝曬真係辛苦晒佢！第一次見攝影師Keith既時候我同企鵝先生都一致認為佢個人有d cool 但睇完佢既相真係好難令人拒絕因為真。係。好。靚咁諗住攝影師少少cool唔緊要啦最緊要有靚相麻但影當日其實Keith又真係唔係咁cool姐見佢又諗pose又爬高叭底影仲要兼埋司機我地唔記得買吹泡泡又幫我地手去買重點係影完當日我番到屋企沖完涼秒速訓著第二朝起身我發現Keith當晚12點幾已經send左幾張retouch左既相比我地！有無快成咁呀！仲要靚到我睇完有心跳既感覺！好期待收原相呀快d有相睇就好啦題外話：如果有興趣番poly影pre wedding既B2B 強烈推薦J座地下連住停車場入口果個女廁冷氣夠大人唔多勁乾淨！連化妝師都話冷氣夠大好舒服可以係個到換埋衫舒舒服服慢慢換妝轉頭！