非常滿意的Pre Wedding

睇左咁耐WOW，都見到唔少B2B分享籌備婚禮心得，都令我得著不少，今次第一次係WOW分享，因為實在太令我驚喜！由一開始準備結婚，一直都係俾錢、落訂，除左對介子之外基本上咩都係俾完錢就停左，仲未試過任何一間既服務。而係上兩個星期日，終於係香港影左第一次PRE WEDDING，出來既效果實在令我喜出望，完全係我想要既野，仲要影完相當日已經有相睇，超級多謝KEITH同MUA JAMIE幫我影呢輯PRE WEDDING！

化妝

當日首先第一站先去MUA度化妝，朝早過去MUA個WORKSHOP度，地點都算方便，地方好大，環境舒適，我男友等等下都係個度瞓到成隻咁。

講返化妝髪型，其實之前無試過JAMIE，今次第一次就正式有少少擔心，但之前已經做過功課（因為懶，只係搵左一個髮型咁大把），好彩JAMIE都有提供意見，亦做到我想要既效果，化妝同之後髪型就由佢自已發板，出黎既效果好自然，完全係我想要既，連要求高的男友都話滿意。JAMIE 亦提供左好多頭飾，頭紗同花環俾我揀，我心大心細揀唔落手，最終都要佢出手，影相出來的效果好襯！

跟住出發去第一站 - 山頂公園

化完妝，大約12點出發，塞陣車上去山頂公園都差唔多一點鐘到，個日天氣好好，一路上都見到唔少人影PRE

WEDDING。喺山頂公園一共影左四個點，原本我一直以為山頂主打得一個亭，點知原本無咩期待既亭出黎既效果好正。

然後第二站 - HKU

當初會選KEITH全因佢真中一張HKU mainbuilding既相，所以今次我既PW其中一個點都選左HKU，原來除左條樓梯之外，仲有好多好特別既景，好適合一啲特別效果。提提各位B2B，去HKU影相最好事先同學校申請不反對通知，當日影左一陣已經俾人問左兩次

跟住第三站就係今次既重點 - 西環碼頭

係一開始見到KEITH既相，印象最深就係佢鏡頭下既天空之鏡。係未影之前我以為係PS出黎既，原來係需要少少既技巧同道具就造到既效果。我係FB 放左呢張相之後好多朋友問我係咪係玻利維亞或者外國影，完全估唔到係香港影既。好想多謝KEITH操刀影呢輯相。