寒冷天氣警告+季候風訊號下的HK Prewedding
自從10月係台中影完, 番到黎就成日心思思想係香港影一輯有日落有夜景既prewedding~~
但要勸服唔多想影既男友確實有點難度, 所以我都係一心想搵d 唔太貴又影得唔差 (好貪心) 既prewedding 黎做說服男友既原因~~
我主要都係想搵d 一萬蚊樓下, 問左好幾間~
雖然價錢係budget 內, 但係都係無包化妝 / 車 / 衫 /相簿….
一心想打消念頭之際, 見到有wow 友分享prewedding 既相係我鍾意既style~~
就再去問下價~~ 價錢非常抵, 已經包化妝, 車, 全部相奉回, 60張修圖, 40-60 相入相簿, 8 小時攝影, 仲有個video, 只係唔包衫~~
即刻同男友講 (加少少懇求既眼神), 終於答應去影, 我就即刻約期~~
11月份問既時候, 比左3個期我 , 分別係1 月尾,2月尾同3月尾~
我婚期係5月21日, 雖然攝影師話3月影都趕得切~~ 不過都係早d 影穩陣d (當刻係無考慮過凍呢個問題)
終於在剛過去的星期日順利完成~
感恩既係果日唔係得兩三度果個禮拜日~~ 但係果日有季候風, d 風大到真係唔講得笑~
第一站去山頂公園, 上到去好大霧好大風. 大風到好似打風咁, 連頭紗都吹走 （化妝師都話第一次見到個頭紗比風吹 “luck”. ）
每次除褸影相都要鼓起好大既勇氣~~ 我個心其實都唔好意思, 要化妝師同攝影師咁樣陪我地一齊凍,仲諗緊攝影師會唔會叫我放棄~ 點知攝影師都好落力幫我搵位影, 化妝師仲攬住我等我暖d~~~
之後就去HKU 影~~ d風比d building擋曬~~終於唔凍, 可以笑得自然dd ~~
輕輕鬆鬆影完~~ 就再去西環碼頭, 又係一個非常大風既地方~~攝影師落力訓身落地下拍攝倒影相既效果~ 讚讚!!
影埋中環夜景就攪掂lu~~
不過由於化妝師幫我轉完妝影夜景就會走…所以無人會幫我換衫~ 所以我地就番左poly…搵殘廁幫我除番條晚裝~~
攝影師當晚已經send 左張相比我睇~~之後幾日都有send 多幾張睇~~
好滿意呀~~ 期待收到其他相~~~
