PRE WEDDING 篇*驚喜不斷之爆星級奇遇婚攝經驗~包你未遇過!!! (長篇多圖)
點解爆星? 因為我對呢輯 pre wedding既評分係..
服務: ★★★★★ (超好會主動俾suggestion, 又會主動提我)
態度: ★★★★★ (超級好人)
熱誠: ★★★★★ (勁有heart勁有要求)
化妝: ★★★★★ (又認真又溫柔又勤力)
成品: ★★★★★ (完全係我想要既野, 仲要喜出望外)
過程: ★★★★★ (好輕鬆愉快, 充滿驚喜)
回相速度: ★★★★★ (即晚有2張相睇, 5日回晒所有相仲已經執左20幾張)
所有野都爆星! 性價比極高! 而且我仲有一個萬中無一既奇遇~
就係影影下相時, 攝影師既BB要誕生啦!!!!!!!!! (係真果隻BB)
事情係咁的, 我地原本係9月頭影呢一輯相既, 行程係山頂既2個公園>煤氣燈街樓梯>西環貨櫃碼頭>摩天輪
當日11點半化好妝出發去接攝影師keith, 12點影到2點幾, 突然keith接到老婆電話疑似生得 (原定10月頭生)
keith 仲好冷靜咁叫老婆搭的士去醫院 (老婆有屋企人陪緊既) 當時我同男朋友心諗: 點解佢仲唔去睇老婆既?
keith 之後仲好好咁影埋另一個公園先, 我諗佢係呢段時間都思考緊去睇老婆定繼續影, 咁最後就梗係睇老婆緊要d啦, 我地都唔希望佢地有咩事, 所以都二話不說同聲說好, 而當晚佢既BB就誕生lu!!
就係咁, 我地同keith, 就從此係大家生命入面一個重要時刻, 留下左對方 (咩事咁肉麻)
以後睇返輯相我都會諗起keith既bb, 可能第時BB大個左, keith都會同BB講返 (呢位小姐會唔會諗多左?)
講返呢次pre wedding影左3個鐘就完左~keith好好咁俾我地選擇返, 叫我地睇下退訂定係約時候補影返
咁我地就梗係選擇補影啦, 開頭都係打算影返剩低果5小時, 影返未影既景點
但係keith竟然話可以同我地影返全日!!! 太好人啦!! keith仲話會送多本相簿俾我
我第一時間拒絕左, 因為本身已經收得好平, 我真心唔想佢做蝕本生意, 但結果佢都係照樣送俾我, 太太太太太好人啦!!!
於是, 我地就約左佢老婆原定預產期既10月頭影, 結果果日打風, 哈哈
最後我地約左11月22日影, 偶然之下我發現左係11,12月既時候, 迪欣湖有棵粉紅色樹好靚
我以為只有春天先可以影到靚靚花, 原來冬天都有!! 而且係冬天獨有!!
講返當日既行程, 9點去左mua studio化妝, 係化妝既同時, mua jamie有一個助手幫我夾定d頭髮
jamie係一個好認真既mua, 佢化緊妝同教助手既時候都好認真, 可能覺得講野有少少惡咁 但係其實佢係勁細心勁溫柔, 佢仲幫我男朋友化埋, 11點鬆d就出發了
12點迪欣湖>4點西環>6點半摩天輪, 嚴格黎講我總共有4個頭, 因為我得2套衫, 所以唔同髮型係好重要
jamie 除左係 mua, 仲會幫keith做助手, 又會幫我影花絮, 我覺得花絮真係好緊要, 望梅止渴用的
相比起我d朋友, 成日聽佢地講佢地d mua成日坐埋一邊噤電話唔幫手,
我覺得自己真係好好彩, 次次都遇到好 mua!!!
去圖~~
我收到既時候哇左一聲, 覺得自己好似去左日本影咁! 勁心心眼!!! 係迪欣湖入面影左好耐, 12點影到3點半, 唔知係咪棵榭既關係, 特別多人黎, keith 同 jamie都話之前冇咁多人的, 所以我地放低晒d野之後架車拍左係欣澳, 之後搭的士過黎 婚紗係第一個髮型, 半盤+花環
keith d相都好清新, 佢都好有要求, 所以我地每個pose都hold好耐 同埋keith既package係包一條短片的, 有d動作會重複take幾次 keith今次仲帶左新玩具拍片用, 就係風火輪啦, 佢踩住呢個野追住我地OR圍住我地轉圈,轉到我心諗點解佢唔會暈
影完迪欣湖之後, 由於已經overrun左, 行返出去都幾遠, 我地出奇招離開
就係咁出去囉!!!XDD 我覺得我輯pre wedding真係好奇遇 男朋友出去搭的士揸返架車黎接我地, 係呢個時候jamie就幫我轉頭
下一個點就係西環碼頭
我覺得keith p相係p 得超有heart, 佢完全唔介意要擺多時間落一張相度 你睇呢張相係一望無際, 其實係佢P走左d樓, 超好心機
原圖係咁的
之後到6點左右jamie幫我轉埋個頭就影夜景
我咁少頭髮都整到咁大個計我覺得好勁, 完全無用假髮架!!!
我地去左影摩天輪, 添馬公園同中環停車場 影到7點幾就完lu, 全日都冇時間食飯, 只有係車請左佢地食冬甩, 但係jamie同keith完全唔介意
除左呢一輯, 我仲有山頂公園呢一輯, 一個價錢可以影2次, 仲要2次都靚, 如果9月影就唔會影到迪欣湖棵樹, 又唔會影到添馬公園, 我地呢次係keith第一次試,係keith提議影的 keith出相又超快, 一星期都唔洗佢就執左20幾張同tune好晒所有相sd晒俾我了 雖然我影2次, 但佢完全冇收多過我錢, 好人到我忍唔住要俾多d佢, 唔係對唔住自己 我真心覺得第二輯keith pre wedding係keith既BB帶俾我架
