首次的香港Pre Wedding ~ 50分的天氣遇上100分的攝影師及MUA

原來不知不覺，我嘅第一輯PW已經影完啦喎~

前排太忙，冇乜時間分享~

趁而家時間多左，距離Big Day時間又近左，又寫返多D分享~ 如果唔係，Bid Day之後可能真係會懶得寫~~ hahaha

講返第一次嘅HK PW先~

其實我上年7月已經搵左呢輯PW嘅攝影師Keith~ 當時都喺WOW見到有位B2B share~ 講返轉頭，真係好多謝呢位B2B，冇佢我真係搵唔到個咁好嘅攝影師~ 而且個PW package仲好抵~ 可以影8個鐘~ 仲包mua、一架5人車載我地出出入入、一個Prewedding video、60張細執左嘅相(其他相佢都會俾返曬我~) 另外仲有1本16寸水晶相簿~ 真係抵到爛~~

影相前，Keith好俾心機了解下我地想要影出黎嘅效果同準備情況，例如會介紹下如果要買婚紗禮服可以去邊度買，我又成日問埋好多白癡問題(例如影相要唔要拎permit之類)，佢都會好快就覆我~ 前一晚仲會wtsapp問下我緊唔緊張~ 真係好窩心~

講返影PW當日先~~~~

嗰日一早就去左MUA Jamie個STUDIO化妝~ Jamie同佢助手又係好nice~ 好細心幫我化妝set頭，仲拎左好多頭飾同花環俾我襯! 結果我自己淘寶買返黎D花環同頭飾一件都冇用過~ 因為佢地嗰D靚D~

大概化左2個鐘，Keith就開車黎接我地去目的地~

一到目的地，Keith已經好有諗法話我地知要去邊度影，過程入面又瞓曬地幫我地影相~

由於第一次影PW，其實我同男朋友都唔知點擺pose~ 但Keith就好有諗法，好識得教我地擺pose同表情~

我最記得有幾個shot好好笑~ Keith要我拎條裙原地轉2圈，然後望住鏡頭笑~ 但由於我手腳好似唔係好協調，成日又數唔到自己轉左幾多個圈，於是好多次都轉左3-4個圈，Keith都好有耐性指導我，仲要跟住我跑都唔會話攰~

之後換景點影便服，但我去到換衫先發現件lace衫係透架!!! 但我居然唔記得左拎打底衫~ (事前又冇試過件衫，買完就放埋一邊) 搞到最後都冇得影便服~ 呢個係呢次影PW第一件最遺憾嘅野!

另一樣覺得遺憾嘅事就係個景~ 我本身係預左去影中大紅葉，但諗唔到原來嗰度D紅葉好少，又唔夠紅~ 可能因為天氣問題，所以先唔夠靚啦~ 睇黎唯有靠後期加工>< BTW~~我今個月月尾去台灣影PW，但而家櫻花又因為天氣問題而未開，好灰啊!! 點解我咁黑仔架……………..

最後一件覺得遺憾嘅事就係去到機場時竟然落雨~ 我地影完入場大堂之後，就打算去左跑道影~ 不過不幸嘅事發生左….. 我地影左幾張相之後，竟然落雨啊!!!!!! Keith 仲冒住雨幫我地出去睇下附近有咩好影，真係搏曬命

不過雨勢愈黎愈大… 我同我男朋友最後都決定唔好再繼續~ 好在做左呢個決定，因為之後嘅雨愈落愈大>< 真係不幸中嘅大幸~

期待已久嘅香港版PW咁就完左~ 雖然天氣凍又落雨，仲有好多蝦碌野出現~不過之後睇返化妝師影嘅花絮相真的好開心!!! 之後Keith當晚亦已經回左2張相俾我~ 淨低嘅相都好快就俾左我啦~